يلا شوت | زيزو: صلاح نصحني بالاحتراف.. والليزر أثر علي بركلة الترجيح ضد السنغال

3 سبتمبر 2022 - 4:30 ص





05:38 ص | السبت 03 سبتمبر 2022

زيزو: صلاح نصحني بالاحتراف.. والليزر أثر علي بركلة الترجيح ضد السنغال

محمد صلاح وأحمد سيد زيزو لاعبا منتخب مصر

كشف أحمد سيد زيزو، لاعب نادي الزمالك، عن نصيحة محمد صلاح نجم ليفربول ومنتخب مصر، له بالاحتراف في أوروبا، متطرقاً للحديث عن كواليس ركلة الجزاء التي أهدرها خلال مواجهة منتخب السنغال، في إياب التصفيات الأفريقية المؤهلة لكأس العالم 2022، موضحاً تأثير الليزر على رؤيته للكرة أثناء التسديد.

زيزو: محمد صلاح طالبني بالاحتراف في أوروبا.. وكان عندي عروض من ألمانيا

وقال «زيزو» في تصريحات تلفزيونية: «محمد صلاح بيتكلم معايا في المنتخب، وهو نصحني بالاحتراف، وقالي أنت ممكن تعمل مسيرة كويسة أوي، لازم تشوف وكيل كويس يساعدك، وتحترف في أوروبا، أنت في أفضل فتراتك».

وتابع حديثه قائلاً: «كان عندي عروض من تركيا وألمانيا في البوندسليجا، وفيه في الدوري الإنجليزي، ولكن لم يصل الأمر إلى عرض رسمي، الجميع كان يريد تفعيل الشرط الجزائي لكنني رفضت».

زيزو: لو سددت ضربة الترجيح ضد السنغال 10 مرات هسجلهم كلهم

وتطرق للحديث عن شعوره بعد إهدار ركلة الترجيح ضد السنغال، قاتلاً: «إحساس صعب جدا وأنا مميز، وسألت نفسي ليه عملتها كده، ولسه بسأل نفسي لحد دلوقتي، لو شوطتها 10 مرات ممكن أسجلها كلها بس بطريقتي».

وأكمل: «الليزر بيخليك لجزء من الثانية مش شايف الكورة، وأنت بتشوط لازم تبص على الكورة، التكنيك بتاعي لازم أبص عليها وده أثر عليا لكن مش عايز ادي مبررات».

وأتم حديثه قائلاً: «كنت أتمنى أضيع ركلة جزاء بس مش اليوم ده بالذات، وكان عندي أمل أننا نصعد برضه، لأنهم ضيعوا ركلتين قبلنا، لم أشعر وقتها بالصدمة وقولت الحمد لله».

تعليقات الزوار ( 0 )

اترك تعليقاً